LORON TRANSFIGURASAU

TRANSFIGURASAUN AHISAUN

Belun orasan Transfigurasaun Tabor

“O mai, hamriik iha klaran ba!” (Mark. 3:3). Lema ne’e ita foti hosi Jesus nia lia fuan ba ema deficientes liman. Iha vida social susar atu fo fatin central ba ema ho deficiensia. Fatin central bai-bain ita fo ba ema nebe susesu, ema isin diak, emboot, riku no matenek, la’os ba ema ra’as sira. Jesus ho lider boot sira loke ema matan delek, fo visaun no konvida ema biit  laek sira mai ho lafatin iha klaran. Fatin central, fatin Maromak nian. Tamba ne’e GRUPO ORASAUN TRANSFIGURASAUN hodi meditasaun no Adorasaun konvida fali ida nebe konvida ita hotu maka Jesus rasik mai hariik iha klaran. Adorasaun mak atu liu sira nebe liga moris deficientes ho grasa Maromak nian.

Ema liman maten ne’e lolo liman, no nia hetan isin diak. Liman la’os atu husu deit, maibé mos atu fo. Ema ho deficiensia fiar an diak liu tan wainhira sira mos bele kontribui. Nune’e sira la’os hanesan naha todan ba ita rain, maibe sira mos ita nia osan mean.

GrupoTransfigurasaun tun ba distritu (foin halo ba Ermera no Liquiça) hodi hasoru malu ho familia deficientes sira atu keta moe ho ema deficientes. Transfigurasan no Ahisaun serbisu ho Uma Kreda, ho Guverno Timor Leste, institusaun no NGO sira hodi buka hetan ita nia ‘murak mean nebe sei falun hela ho tahu’.