BOASFESTA AHISAUN

Happy New Year!

Ahisaun would like to deliver our special thanks to everyone who supports us. We hope this year, 2015, will be happier and more prosperous one for everyone. Oh, by the way, now we have reached 200 likes. And, the members received belated Christmas gifts from the CHC Helicopter's branch in Dili today. In return for these happy gifts, we would like to deliver our happy smiles to everyone. Thanks lot.

Bos festas ba tinan foun, todos!!
Ahisaun hakarak hatudu ami nia agradese espesia`l ba ita boot sira hotu2 nebee ke apoiu ami. Ahisaun espera katak tinan nee sai haksolok liu no prospriedade barak atu mai ba ita hotu. Koalia ba mais, ami agora hetan 200 suka teha ona. No, membru sira simu prezenti husi CHC Helicopter nia sanak iha Dili. Atu fo fali, ami hakarak hatudu ami nia oin midar deit! Obrigado wain.

Ahisaun Foundation to support the construction

is currently working with the Ahisaun Foundation to support the construction of a new education, training and accommodation centre in the village of Kukoa in the Timorese highlands. Ahisaun provides education programs and accommodation for physically disabled students and currently operates a centre in Dili, the Timorese capital. Through the new centre in Kukoa, Ahisaun aims to extend its support network into the highlands, developing greater enrolment capacity and to provide the same high educative standards and opportunities to students in the highlands as it currently does in the capital.

The relationship between Plus1 and Ahisaun begun in 2010 when Mike travelled to Timor on a teaching trip, where he met with Ahisauns founder, Padre Adriano. Plus1 became very excited by the possibilities that a new education centre in Kukoa would provide, and entered into a supportive relationship with Ahisaun, sourcing funds for the school.

We are really proud to be involved in this project, and to have the Ahisaun foundation as a member of our community.

Orgulho Tebes ho Eventu Olimpiku Nasional ba Ema Difisiente

Orgulho Tebes ho Eventu Olimpiku Nasional ba Ema Difisiente

Ba dala uluk Timor-Leste realiza ninia jogu Olimpiku Nasional ba Ema Difisiente foin lalais ne’e iha Dili, hodi fo oportunidade ba difisiente Timoroan atu bele kompete iha jogu hirak hanesan atletiku, futébol no bola duir ka “bocce”. 

Hanesan partisipante iha jogu bola duir ka “bocce” Aurelia Araujo ne’ebé mai husi distritu Ermera kontenti no orgulho tebes ho nia partisipasaun iha eventu ne’e. Tuir Aurelia ne’ebé wainhira sei kiik-oan hetan moras polio no ikus mai aleja tiha Aurelia nia ain ne’e  espresa nia sentimentu “ida ne’e nudar oportunidade ne’ebé furak tebes mai ami difisiente sira tanba foin primeiru vez ami bele hola parte iha eventu desportu hanesan ne’e. Ho eventu ida ne’e signifika katak ami difisiente mós hetan duni atensaun diak husi Governu no povu rai doben Timor-Leste.” 

Liu tan Aurelia ne’ebé iha eventu ne’e hetan primeiru lugar hodi simu medalla nebe oferese husi Ministra Solidaridade Sosiál, Domingas Alves salienta liu tan katak, “eventu ida ne’e mós sai hanesan oportunidade ida ba ami difisiente sira atu bele hasoru malun no estabelese ami nia rede entre kolega sira husi distritu seluk nomos kolega sira husi nasaun sira seluk hodi nune’e ami bele suporta malun nafatin iha ami nia atividade ne’ebé relasiona ho difisiente nian.” 

Aurelia uluk sei ki’ik-oan impresivu tebes wainhira haree labarik barak loro-loron ba eskola, nune’e nia mós husu ninia familia atu hatama nia ba eskola. Ikus mai Aurelia hatudu duni ba nia familia katak maske ho kondisaun difisiente maibé nia konsege remata duni nia eskola to’o nivel sekundaria iha tinan 2007. No agora daudaun Aurelia mós planeia hela atu tama iha Universidade. 

La haluha nia hato’o nia agradesimentu wa’in ba Governu Timor-Leste liu husi Ministériu Solidaridade Sosiál (MSS) no Sekretáriu Estadu Joventude Desportu (SEJD) no mos ba ema ka organizasaun sira inklui Igreja nomos Governu Australia ne’ebé iha komitmentu makaas hodi promove direitu difisiente liu husi atividade oioin. 

Belun difisiente ida seluk ho otas nurak hela maibé iha motivasaun ne’ebé aás tebes hodi partisipa iha jogu Olimpiku foin lalais ne’e. Nia mak Aze Madeira, tinan 8 husi distritu Liquica. 

Haree fali ba kotuk, Aze sofre difisiente wainhira nia sei kiik-oan, iha tinan 6 (neen) liu ba, nia hetan moras isin manas maka’as ne’ebé ikus mai afeta Aze nia saúde hodi halo Aze hetan difikuldade atu ko’alia ka sai bilang. 

Maske moris ho kondisaun ne’e maibé ida ne’e la hamate Aze nia espiritu atu partisipa iha eventu desportu nivel nasional nian. Aze ne’ebé sempre akompaña husi nia inan doben Guilherminia Sarmento sente kontenti tebes wainhira partisipa iha jogu bola duir ka “bocce” hamutuk ho nia kolega sira husi distritu seluk.“Ida ne’e hanesan esperiénsia diak ida mai ami nia oan, tan nia hetan oportunidade atu mai kompete iha jogu ne’e nomos buka halo belun liu tan ho nia kolega sira husi distritu seluk, no husi nasaun sira seluk,” hateten Sra. Guilherminia iha estadium Dili wainhira akompaña nia oan Aze tuir jogu ne’e. 

Aze mós uluk tama iha eskola elementáriu iha tinan tolu liuba iha distritu Liquica, maibé tanba deit nia hahalok nebe sempre halo ema sente komik halo kolega sira seluk ladun iha konsentrasaun durante prosesu aprendijazen iha klase laran. 

Ho razaun ne’e, Aze nia inan aman deside hodi hapara ninia estudu, tanba sira sente moe konaba sira nia oan nia hahalok. Maibé, agora ba oin, Aze nia inan-aman mós halo esforsu maka’as hodi hatama fila fali Aze ba eskola. 

Maske sei iha uma hela, Aze oras ne’e daudaun aprende hakerek no lee, nomos kontenti tebes hodi haree ka nonton dansa no tinju. Aze nia inan, Guilermina hakarak loos atu haree Eventu Nasional Olimpiku ba Ema Difisiente hala’o tinan-tinan, atu nune’e nia oan Aze bele partisipa diak liutan. Liu tan Sra. Guilherminia salienta katak, “Nudar inan, hau kontenti tebes bainhira hau haree Aze nakonu ho alegria hamutuk ho nia kolega sira, maske ita haree sira nia kondisaun ladun favorese atu halimar, maibé sira mós iha direitu hanesan ema baibain”. 

Nune’e mós Sra. Guilherminia ho laran haksolok hato’o nia agradesimentu wa’in ba Governu no povu Timor-Leste liu husi MSS no SEJD ba sira nia esforsu maka’as atu promove direitu ema difisiente nian nomos ba Governu no povu Australia ba sira nia laran luak atu tulun hodi promove direitu sidadaun Timor-Leste ne’ebé moris ho kondisaun difisiente iha nasaun foun ne’e.

 Maria Lola tinan 17, husi Raigua distritu Liquiça. Wainhira nia sei ki’ik nia inan no aman mate no husik hela nia ba nia familia sira iha Liquiça Raigua hodi kuidadu nia to’o nia boot. 

Maske ho kondisaun difisiente maibé Lola haka’as an hodi ba eskola no oras ne’e Lola tuur iha primeira klase eskola Pre-Sekundaria iha Eskola Katolika Liquiça, maske nia tenke laó maizoumenus km 6 husi nia uma ba eskola loron-loron. 

Lola mós sente kontenti no orgulho tebes ba eventu desportu ba difisiente ne’e. “Maske ba dahuluk hala’o iha Timor-Leste, maibé ami nia partisipasaun maka’as tebes no halo ami sente hetan fatin duni iha nasaun ida ne’e. Ami husu atu eventu ne’e bele kontinua nafatin iha futuru, “ Lola haktuir.

Ikus liu Lola mós hato’o nia obrigada wa’in ba parte hotu ne’ebé kolabora ona hodi hala’o eventu ne’e liu-liu ba Governu Timor-Leste nomos Governu Australia